ГIалгIайче газ йоагаярах харцахьа даьха ахча гучадаьккхар
Прокуратура г. Магаса осуществила проверку обращения местной жительницы о необоснованном начислении платы за непотребленный газ и пресекла противоправные действия в отношении нее, информировали газету «Сердало» в надзорном ведомстве региона.
«ГIалгIай Республикан Магас-Шахьара прокуратуро, йоагаяьча газах ца доагIаш ахча даьккхарах дувца лоткъам техкар.
Цар оттадир, ресурсашца Iалашо лоаттаяра йолча организаце, 2022 шера тушола бетта, цу кхалсага квартиран лицевой чот хьа а йийлла, 2021 шера денз 2023 шера тушола беттага кхаччалца 130 эзар сом ахча такха оттаяь хилар.
Из мах дIахьожабара болх бу, газ йоагаяь саг абонент санна дIаязвеш, газ мел йоагаяьй белгалдоаккхаш.
Цхьабакъда гIулакх дIатехкача, прокуратуран болхлоша хайра, квартире газ мел йоагаяьй хьагойташ бола гIирс латташ цахилар. Цул совгIа, квартира саг чуваха йиш йолаш цахилар (хьалъяь яланза я из)», — йоах хьабайтача хоамо.
Цу гучадаьхача кхоачамбоацарех шахьара прокуратуро газ лоаттаеча организаце кулгалхочунга хоам баьб. ДIабихьача балха гIонца, бокъо йоацаш ахча даккхарца дувзаденна дош юхадаьккхад, лоткъам баьча кхалсага бокъонаш меттаоттаяьй.
