ГӀалгӀай къаман
юкъара газет

Кердадараш

ГIалгIайче «Лада Веста» машен лаьцай, йизза шоаш хьадаь малар чу долаш

Сотрудники отдельного батальона ГИБДД Ингушетии задержали транспортное средство, перевозившее контрафактную алкогольную продукцию, информировали газету «Сердало» в пресс-службе правоохранительного ведомства республики.

«Шоай балха декхар кхоачашдеш, ГIалгIай Республике гIолла йолча МВД ГИБДД ДПС хьалхарча рота болхлоша «Волга-14» яхача ха тIа «Лада Веста» машенаца воагIача водителга юхасаца, аьнна, хоам бир, цхьабакъда из вIалла шийна из цадоагIаш санна, тIех а ваьнна, Наьсарен оагIорахьа хьалволавелар.

Наьсаре из саг соца а ваь, шоаш лаьттача ха тIа юхавоалавир. Из хилар лоалахарча республикера вахархо» , — йоах хоамо.

Машена чу хьежачул тIехьагIа, гучадаьлар бокъо луш дола каьхаташ тIа а доацаш, тайп-тайпара корта бохабу малар чудола яьшкаш латтилга.

Цу тайпара 170 шуша пхи литр чуйодаш, 72 — ах литр чуйодаш яр. Цул совгIа, цхьаккха каьхат а дацар царца, товараца хила дезачох.

Ший машенаца цхьана полице даькъ тIа из Iочувигар, дIахойодача хана тохкаргда из гIулакх.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде