ГӀалгӀай къаман
юкъара газет

Кердадараш

Наркотикех базар ер лаьцар Ӏаьдало

Владимир яхача шахьаре вахаш вола, наркотикаш яхача дохьажаца базар лелаю зуламхо лаьцар вай мехка. Селий мехка кийла совгӀа из дохьаж дӀадилла, лелаш хиннав из саг.

«МагӀалбикерча наркотикашта тӀахьожам лоаттабеча МВД оагӀон болхлоша Владимире вахаш вола зуламхо дӀалаьцар Дабий-Юртара, киса доаллаш 541, 06 грамм мефедрон яха дохьаж долаш. ДӀабихьача тохкама балхо гучадаьккхар, из саг, Махачкалера денз, зене базар лелаеш хьавоагӀилга. Цу сахьате арабаьннача МВД болхлоша Махачкалерча Монтажни оалача ураме зуламхочо наркотик дӀайилла уллаяь моттиг хьалехар», —  йоах тхога бенача хоамо. 

Кийла совгӀа мефедрон яха дохьаж хьаийцар цигара МВД болхлоша. Зуламе никъ бахьаш, Владимирера укхаза кхаьчар Ӏаьдала кара ва. Законо деххача тайпара, шийна доагӀа таӀазар дизза дӀаэцаргда цу ираз дайнача баьречо.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде