Бюджетера берий ахча лочкъадаьчоа бехк бергба
В Ингушетии заведующая детским садом предстанет перед судом за хищение бюджетных денежных средств, предназначенных для выплаты зарплаты, сообщили газете «Сердало» в надзорном ведомстве региона.
«ГIалгIай Республикан прокурора бехк беш дола уголовни гIулакх чIоагIдир Iаьлий-Юртарча №1 йолча «Дошо дIоагIа» яхача берий беша кулгалхочунна духьала, цо наьха доалахьара хIама тийшача балхах лочкъадарах», — йоах хьабайтача хоамо.
Тохкамхоша яхачох, цу кхалсага, 2016 шера денз 2022 шерга кхаччалца, воацаш вола ялх саг балха дIа а язваь, цу тайпара каьхаташ а даьха, Iаьдала ахча диад, царна алапи тел, яхаш. Из 1.5 миллион сом да.
Из ахча дIаухаш хиннад цун доалахьарча банка счёта тIа, цул тIехьагIа цо из дIадохийташ хиннад шийна деззача.
Хоам бу, уголовни гIулакх ГIалгIай Республикан Магас-Шахьара суде дIадахьийтад, аьнна.
Иштта республикан дешара Министерствос декхарийла яьй из, паччахьалкхенна даь зе цо токхаргдолаш.
