Карарча шера бархI бетта, «Ингушэнерго» филиала энергетикаша 14 эзар заявка дIаяхьийтай лаьгIъяр дехаш, цу юкъе 9,1 эзар «юрташта» йолча категорех, 4,9 — юридически наха лаьрхIа. Предприятена дIадала деза декхар да цар 669 млн сом совгIа.

Ахча Iаьдала хьачу ца луш багIача нахаца дIабихьача балхо таро хилийтар, 192,1 млн сом компане бюджете хьачудала: 5,5 эзар абонента счеташ дIакъайлар, кхы а из Iаьдалцара гIулакх гаьна даларга ца хьежаш.

«Ший ханнахьа нахага хоам беш, декхар доаллаш хилар хьалха а доаккхаш энергетикаша беча балхо таро хулийт, юкъера кхоачамбоацараш юстардаха. Шоаш йоагаяьча электроэнергех доагIаш дола ахча ханнахьа дIалуш болча бахархоша, шоашта а пайда бу цунах, хIана аьлча, ханнахьа декхар дIадаларо, совгIа йоаккхаш йола пенеш а тIакхетийтац.

Эггара лоархIамегIа да, энергетикашца барт беш оттаяьча договора декхар кхочашдеш хилар, цу тайпара тийша болх бац: вай ГIалгIайчен энергетически Iалашо яра, доагIаш дола декхар юкъедаккхара, регион экономически хьале дегIайоалаяра доккха дакъа дIалоац цо», — аьлар «Ингушэнерго» филиала кулгалхочо ТIоаршхой Рамзана.

Электроэнерги дIайоаеш хул, РФ Правительства 04.05.2012 №442 болча соцамах.

Сердал йоацаш бисса йиш я, шин е кхаь бетта ахча дIа ца луш багIараш. Цул совгIа, хьай ханнахьа ахча дIалуш ца хилча йоал а IотIакхет.

Декхар дIа ца луш багIарах газ дIайоаергйола хоам бу филиала сайта тIа http://ingush- energo. ru/: «Клиентам», подразделашка «Уведомления об отключении режима прочих потребителей». Из лоархIаш да электроэнерги йоагаеш волчунна хоам баьлга.

Хьалхадоаккх, йоагаеча электроэнергех доагIа ахча дIачудала йиш я клиентий гIулакха йолча компанешка, «Свет Онлайн» мобильни приложенех, «Личный кабинет» сервисе гIолла, е энергокомпане сайта тIа гIолла.