Элдарха-гIалий тIа белгалбаьлар 2022 шера «Шахьарашкара салоIама хьалаш тоадара» яхача нацпроектах хьалхарча даькъе тоаде дезача доазон тIа бехктокхаме хургбараш. Цига дIабихьача кхадж тассара балхо белгалбир уж. Эггара чIоагIагIа цигача бахача наха дагайоалла моттиг я Зязикова улицах юкъара доазув. 25 мае 1690 саго кхадж тассар цунна тIехьа ба шоаш аьнна.

Цул тIехьагIа да юкъара доазув Пушкина цIерагIча улица тIара (964 саго кхадж тассар), кхоалагIа моттиг дIалоац Балкоева улицо (532 оаз)

Юххерча котбаьннарий спискашта юкъе хила тарлуш я Градусова улица а (443 оаз), иштта Промыслова 9378 оаз.

ТIехьаюссарех я: Фрунзе (134 оаз), Нефтяная (107), Заречная (976 оаз). Хоам бу таханарча денна Элдарха-гIалий тIа гIолла электронни системо дIалаьрхIай 4324 оаз.

Рейтингах дIахьош бола кхадж тассар болх чакхбала пхи ди диссад, цу тIа цу шахьара бахархой таро я шоай хьамсара гIала мишта хилча бакъахьа хетт белгалде.