ДикагӀа йола волейбольни тоабаш хержар паччахьалкхен университете
«Россе низ» яхача Ӏан марафоно Магасерча стадиона тӀа гулйир университетера волейбольни тоабаш. Физкхетамах йолча кафедраси спортах, тризмах болча оагӀонои тӀахьожам беш, дӀайихьар яхьаш.
«Волейбол езарашта юкъера яхьаш, массахана дог ураоттадеш хул. ХӀара тоаба коталонга кхача гӀерташ, цхьа боккха къовсам бар стадиона доазон тӀа лаьттар. Цу спортацара шоай мел йола говзал гойта гӀерташ, къахьегар хӀаране. Хьалхарча моттиг яьккхар «Бахубали» яхача Индерча студентий тоабо (лорий факультет, 2-гӀа курс).
ШоллагӀа моттиг кхаьчар лорий факультетерча «Лоаман аьрзи» яхача тоабанна, борза майдилгаш «Намасте» яхача Индерча студентий тоабо яьхар», - дийцар тха «Сердало» газетага яхь дӀайихьараша.
Ловзара юкъера бокъонаш лораеш, дог айденна белаш, хоза дӀадихьар ловзар студенташа. Коталонга кхача эшараш дика довзаш бар спортсменаш.
