ГӀалгӀайчен паччахьалкхен университете дӀабихьар, «Вовзаш воаца дешархо» яха болам.
Саькура бетта 14-ча дийнахьа, книжка совгӀата далара халкъашта юкъера ди хьатӀадоагӀаш, студентий профсозий комитета, ГӀалгӀай паччахьалкхен университета шоай лоӀамагӀа гӀулакх дерий центра «Вовзаш воаца дешархо» яха болам вӀашагӀбеллабар, яхаш, дийцар «Сердало» газетага республикан керттерча музее.
«Хьавола 117 кабинете (керттерча корпусе), дӀаязъе каьхата оагӀон тӀа хьай цӀи, тайпан цӀи, малагӀа дешар дешаш ва, курс, телефона номер, Ӏочукхосса из каьхат яьшка чу.
Цунна меттел Ӏа хьаэцаргда, кхыча сага йоазув тӀадола каьхат - Ӏа совгӀата книжка лургдолчундар. Хьай кердача новкъоста Ӏайха дала лаьрхӀа книжка кийч а дийя, хьежа саькура бетта 14-ча денга. Цу дийнахьа вай совгӀаташ хувцаргда», - иштта кхайкарал даьдар болам вӀашагӀбеллараша ИнгГУ студенташка.
«Вовзаш воаца дешархо» - цох дика таро хилар керда книжкаш деша ловрашта.
