ЧӀоагӀа наб яр унахцӀенонна мишта Ӏаткъ, тохкаш ба Илдарха-ГӀалий тӀа
18.03.2024 12:40
УнахцӀенача вахара, даара, дегӀа зулам деш йола оамалаш йитара бахархой тӀахьехаш йолча программага гӀолла, чӀоагӀа еш йолча набара унахцӀенонцарча бувзамах дувцаш бола хоаттама болх дӀабихьар Илдарха-ГӀалий тӀарча администраце шахьара бахархошца. Из хоам «Сердало» газетага бир шахьара администраце.
«Дерригача дунен набара денна хетабаь ба из болх. Бахархошта хьалхадоаккх, дегӀа могашала терко е езилгах. Наб яйча, унахцӀенон хьал а эшалу, азарашта духьалъотта низ хилац дегӀа. БоаггӀача боараме шоай дегӀага наб яйташ бола нах, лазара дикагӀа духьалъотталуш хул», - йоах тхогарча хоамо.
ХӀара сага кхетаде деза, ха яххалца ца а вагӀаш, ханнахьа Ӏовижар, Ӏуйран ханнахьа хьалгӀаттар дегӀа геттара чӀоагӀа эшаш долга.
