Илдарха-ГӀалий тӀа белгалйир МСП хозагӀа кийчъяь моттигаш
ГӀалгӀайчен Илдарха-ГӀалий тӀа чакхъяьлар доал деча даькъ тӀа зӀамига, юкъера хӀама хьаду моттигаш керда шу хьатӀадоагӀаш хозагӀа кийчъяра йола яхь, яхаш, хоам бу «Сердало» газетага шахьара администраце.
«Цу дикача гӀулакха юкъе хьалхара моттиг кхаьчар «Магнит» яхача тиканга, шоллагӀа моттиг «Парус» яхача мах беча центро яьккхар, кхоалагӀа моттиг «Берий дуне» яхача тико яьккхар.
Кхелахоша теркам тӀабохийташ хиннар дар хозагӀа кулг теха моттиг кийчъяр, тӀера гӀишло кийчъяр, доазув кердадаьккха хилар, лаьрххӀа керда шу хилар белгалдеш кулг теха, кийчъяь моттигаш хилар », - аьлар хоамо. Шахьара Ӏаьдало котбаьннараштеи шоллагӀа моттиг яьккхараштеи телевизораш елар, кхоалагӀа моттиг яьккхарашта планшет кхаьчар.
Цу яхьа чаккхе еш, белгалдора дакъа лоацаш болча наьха боккха салоӀам хилар, цул совгӀа, шахьара тайп-тайпара моттигаш хоза кийчъяь хилар.
