МВД болхлочо наркотик яьккхар зуламхочунгара
07.09.2023 09:37
Ший болх дӀабахьа араваьннача полице болхлочо мефедрон яха наркотик яьккхар, Илдарха-ГӀалий тӀа венача Наьсаре вахача сагагара.
«Илдарха-ГӀалий тӀа ший болх дӀахьош латтача МВД болхлочо Ӏочувигар Наьсарера вахархо. Чухьежача, цунгара корайир мефедрон яха наркотик юкъейоалла гурмат», — хоам бу бокъонаш лораераша.
Изоленташ хьерчадаь, чӀоагӀъяь йоаллача гурмата юкъера, Ӏаьдала болхлоша хьаяьккхар 1, 79 гр мефедрон. Из саг Ӏаьдала кара ва, цун гӀулакх дӀахо тохкаш латт.
