Шахьаре эггара доккхагӀа дола тхьáмагӀа сурт хийцар Илдарха-ГӀалий тӀа
20.08.2025 12:36
Шахьара 30 шу дизар хьатӀакхоачаш, эггара доккхагӀа долча шахьара тхьáмагӀа (герба) сурт хийцар цига. ДжабагӀанаькъан цӀерах болча урама куц хоздеш улл из доккха сурт. Гаьннара хьежача гуш да шахьара тхьáмагӀа, из доккха хиларах.
«Заьзганаькъан Идриса цӀи лелаеча керттерча шахьара стадиона юхе да из. Укх бетта 30-ча дийнахьа ший 30 шу дизар дездеш хургья шахьар. Цун тхьáмагӀа, бӀарахьежача бахархой дог ураоттаргдолаш, хоза кхелла да», - дийцар «Сердало» газетага цигарча мэре болхлоша.
Шахьара 30 шу дизара хетадаь цӀай доккха, массане дог гӀоздоаккхаш хургда. ЗӀамига, боккха бахархой гуллургба цига дакъа лаца.
