Илдарха-Гӏалий тӏа мах беча моттигашта тӏахьожам бу
Илдарха-Гӏалий тӏа, мах беча даькъ тӏа тӏахьожама болх дӏахьу. Аргӏанара из болх дӏахьош хилар шахьара администрацен болхлой, къахьегама инспекци, йоал йоахараш.
Илдарха-Гӏалан зарбан болх лелабераша «Сердало» газетага ма аллара, укх наькъа тӏахьожам бара викалаш бахар Кирова цӏерагӏча урамах йолча «Пятачок» оалача моттиге мах беча моттигашка, тикашка хьажа. Комиссе доакъашхоша ма дарра техкар цигара бизнес лелаяра хьал. Уж хьежар ИП регистраци яьйий, болхлошца къахьегама барт баьбий, кассай аппараташ нийса болх беш йий, кхы дӏахорча балхага.
Цига царна гучадаьлар цхьацца дола кхоачамбоацараш. Гулъяь материалаш тӏахьожам бара боахаме дӏайохьийтаргья.
Иштта цар, шоай доалахьара хӏама леладерашца. къаьстта болх дӏабихьар, мах бара бола боарам бовзийташ.
