ГӀалгӀай къаман
юкъара газет

Кердадараш

Илдарха- ГӀалий тӀа дӀайихьар кхачан ярмарка

16.03.2024 11:16

Хоржамаш долча деношка Илдарха-ГӀалий тӀа мах бара йолча «СИТИ Центра» майдан тӀа дӀайихьар кхачан продукташ йохкаш йола ярмарка. Из, Российски Федераце президента хоржамаш дӀахьош хиларах, цу денна гаргайоалаяьяр. Ярмарка вӀашагӀъеллаяр ГӀалгӀайчен юртбоахама, кхачан Министерствос, Илдарха-ГӀалан администраце новкъостал а деш.

Цига ваха хилар Илдарха-ГӀалан кулгалхо Дидиганаькъан Ахьмад, Россе Паччахьалкхен Дума депутат Татренаькъан Муслим, ГӀалгӀайчен юртбоахама министр Гаьгенаькъан Мухьмад. Хаьший хьежар йохкача хӀамашка а маьхашка а.

ХӀаране таро хилар экологега диллача цӀена, базар тӀа дохкачул маьха чухьнахьа даараш эца.

Укхаза дохкаш дар керда бежана дулх, марш, баьцадаараш, модз, шурах хьадоаккха маша, тайп-тайпара Ӏовнаш. Ярмарка хилар делкъа ханага кхаччалца.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде