Магасе лохаш ва ше вола моттиг къайлакхухьа зуламхо
09.12.2025 14:31
Гӏалгӏайчен Магасе полице лохаш ва харц куташк, цо ӏехаваьв моттигера вахархо 100 эзар сома, яхаш, дийцар «Сердало» газетага бокъонаш лораераша.
Зуламхочо Интернете хоам баьб; мах бара даькъ тӏа болх бе саг веза, аьнна. Маӏасаг цох тийшав. Цо дӏадахьийтар 96 эзар сом.
Цул тӏехьагӏа, зуламхо вайна дӏаваьлар. Ахча хьадаккха таро хиланзар. Полице вера зе хиннар, цига лаьрххӏача статьях доагӏаш дола уголовни гӏулакх хьадийллар.
Гӏалгӏайче гӏолла йолча МВД хьалхадоаккх: шоашта зуламхо нийсвеннавале, цох сиха хоам бе полицега, зуламхочо бувзамашка лелаяьча аккаунтах, е электронни почта адресах, е телефонах.
