Цига, кхетаче дӀахьош, дакъа лоацаш хилар ГӀалгӀай Республикан кулгалхо Келаматанаькъан Махьмуд-Ӏаьла, Къилбаседа-Кавказа даькъ тӀарча РФ къаман гварде эскара кулгал деш вола инарал-полковник Захаров Сергей, иштта кхыбараш а. «ГӀалгӀай Республике гӀолла йолча РФ къаман гварде бӀун вневедомственни охрана болхлой дикал- из я денал, майрал хилар, шоай декхар тешшаме кхоачашдеш хилар, шоай са ца кходеш, сага вахар кӀалхардаккха кийча хилар, цу хӀамашца белгалбоалаш хул уж. Цу балха тӀехь дика толамаш дахарах, Росгварде лакхарча кулгалхоша баркал аьлар царна. Со тешаш ва юхебисарашка шоай совгӀаташ хьежаш да, кагийча наха тешшаме дӀахьу из болх. Иштта бӀухошта елар керда автомобилаш, цар кхы а дикагӀа шоай болх дӀахьоргболаш»,-аьлар Келаматанаькъан Махьмуд-Ӏаьлас. Цо белгалдир, федеральни исполнительни Ӏаьдала материально-технически хьашташ кхоачашдар тахан паччахьалкхен хьалхарча мугӀарашка латташ да. Цига дагадехар Махьмуд-Ӏаьланна вай мехка Президента Путин Владимира дешаш, «Бокъонаш лораяра органашка Росгварде лоархӀаме дакъа дӀалоац наьха бокъонаш лораяра». Вневедомственни охрана росгвардейцашта хьалхашка хӀара ден-бус дукха декхараш хьалхашка отт, цар уж кхоачашдара дика дакъа юкъе а дахь, вай мехка сатем лорабеш, беррига мохк а дегӀабоалабеш. Махьмуд-Ӏаьлас уж дег чура даькъалабийцар, шоай балха тӀехьа цар лакха толамаш дахарца, могашал, ираз цар хилар ловш долча дешашца.