Магасе Даьхен лорбой Аллея хьаелларгья
02.04.2025 17:13
ГӀалгӀайчен столице лаьрхӀад Даьхен лорбой Аллея хьакхолла. Республикан кулгалхочо Келаматанаькъан Махьмуд-Ӏаьлас, Магаса мэра Тиймарзанаькъан Мусас доазон тӀара хьал техкар, из лоархӀаме гӀишло хьалъе йолаяра лаьрхӀа.
Из проект кхоачашъеш я «Шахьара дика хьалаш хьакхоллар» яхача программах, цига сийленг оттаде лаьрхӀад Даьхен турпалхой сийна, иштта дӀайогӀаргья 150 га.
«Даьхе лораеш латтарий сийна аллея хьаеллар вай декхар да, лаьрххӀача операце бӀухой дагабоагӀаш хилар, Даьхен доазонаш лорадеш латташ цар гойта денал, майрал диц ца деш хилар а да», - аьлар Мехкадас ше балхаца дувзаденна шахьаре ваха волаш.
Белгалду, аллеях СВО доакъашхошта дола сийленг, иштта республикан кагирхошта масал хургда.
