АЦР хьаеллара хетаяь кхетаченаш дӀахьоргья Магасе
Таьрахьий гӀулакх доаржадарах йола академи хьаеллара хетаяьча Кадыров Ахьмада аллее дӀахьоча кхетаче бех кхоана бахархой шахьара администраце, академе. Из хоам «Сердало» газетага бир мехкарча кабмине.
Таьрахьий гӀулакх доаржадарах йолча академеца дувзаденна лоархӀамедараш, малагӀа керда профессеш цу чу Ӏомаергья, цига деша отташ фу де деза ховргда гулбеннарашта. Дешара оагӀонца дувза мел деннараш довзаргда хӀара сага, шийна лойя, курсашка ваха каьхат чудала а йиш я цун», - йоах тхога бенача хоамо. Цу гӀулакха хетаяь йоккха программа массанена хоза хетаргдолча тайпара дӀаяхьа лерхӀ.
Аллее хургда берий тайп-тайпара ловзараш, вай мехкарча говзанчаша хьокхаргда, шоай балхаш шоаша мишта хьакхолл. Цул совгӀа, дӀайха чай, кофе молаш, дегӀ дӀохаде йиш хургья, хӀаьта берашта лаьрхӀа мерза боамби, мерза хьажкӀа хургья цига.
Академи хьаеллара хетаяь из йоккха кхетаче дӀаяхьа гӀо даьр ва, вай мехкарча паччахьалкхено хьаллоацаш, Гуцаранаькъан Микаил.
