Магасерча парка хьал тохкаш хилар, цӀай тӀадоагӀаш
29.04.2025 12:31
Коталон цӀай хьатӀадоагӀаш, Магасерча Коталон парка, «Даьре никъ» яхача парка хьал тахка араваьлар мэра декхараш кхоачашдеш вола Тиймарзанаькъан Муса. Из хоам «Сердалога» бир шахьара администраце.
Теркалдаь кхоачамбоацараш ма хулла сихагӀа юстардаха, аьнна, тӀадиллар мэра. Коталон парке моартол, байнача бӀухой цӀераш тӀайола Ӏоакъаш оттаеш, къахьегаш боахк карарча хана.
ЦӀай долча деношка парк тӀехдика тоаяь латташ хила езилга белгалдир мэра. Болхлоша яхачох, деррига балхаш ханнахьа йистедаьнна, парк боагӀача боараме кийча хургья.
