Барт бара комиссе кхетаче хилар Магасе
Магас-Шахьаракерттерча маьждига коа, мехка Кулгалхочун доаларча Барт бара комиссен хьалхара кхетаче дӀайихьар карарча шера, яхаш, хоам бир «Сердало» газетага мехка миннацо.
«Из лоархӀаме кхетаче дӀахьош, цига дакъа лоацаш хиннараша дийцар, дӀадахача шера баьча балхах лаьца. ГӀалгӀай Республикан Барт беш йола комисси хилар бахьан долаш, дукха пхьенаш дита, кхыдола довнаш дӀадаха таро хиннай дӀадахача шера. Из лоархӀаме болх ба. Из бахархошта юкъе барт чӀоагӀбеш, уж шоайла ӀимерзагӀа беш, гӀалгӀай Ӏадаташ лорадара тӀахьехаш, вай юкъара кӀийле чӀоагӀъеш ба», - дувц хоамо.
Барт бара йола комисси вӀашагӀйоллар бахьан дар, бахархошта юкъе пхьенаш нийслургдоацаш, цӀий Ӏомохкадеш дола довнаш, тайп-тайпара нийслуш дола цатоамаш хургдоацаш. ХӀанз укх сахьате, цунна юкъеводаш ва 17 саг. Уж наха дика лоархӀаш а бовзаш а бола нах ба.
