Магасе, книжкаш довзий хьожаш, хаттараш делар
ГӀалгӀайчен столице дика моттиг дӀайихьар паччахьалкхен университета студентий профсоюза комитета викалаша. Литературни йоазош малагӀаш довз ха дагахьа хаттарий болх дӀабахьа лаьрхӀар цар, яхаш, хоам бу «Сердало» газетага из болх вӀашагӀбеллараша.
«Из дика болх дагабехабар 2012 шера саькура бетта 14-ча дийнахьа, книжкаш совгӀата далара Халкъашта юкъера ди дӀахьош хиларца дувзаденна. Профсоюза комитета доакъашхой дукхача книжкаех чакхбаьлар, классикагара бестселлерга кхаччалца.
Хаттараш луча дакъа лоацаш хиннарий теркам тӀабахар керттерча турпалхошта, кхоачамбоацарашта, яздаьча книжка сюжета оагӀонна. Из доацаш а, из болх вӀашагӀбелларашта хайра наха малагӀа книжкаш дукхагӀа деза, царна юкъе доазол арахьарча мехкашкардараш а долаш», - аьлар студентий профсоюза комитете.
