Магасе сердал луш дола бӀоагӀий малагӀча хьале да хьожаш ба
20.10.2023 14:03
«Магас-Шахьара электросеташ» яхача МКУ болхлоша, сердалон бӀоагӀий миштад хьожаш, Ӏан заманга кийчлуш, болх дӀахьу. Из лоархӀаме да, хIана аьлча шийлача ханага, кхерамзлен Ӏалошо еш, кийчо е еза, яхаш, дийцар «Сердало» газетага Магас мэре зарбан болх лелабераша.
«Аьшкасаьргаш тӀера къайла да, арара шелал царна Ӏаткъаш хургйоацаш, хӀана аьлча лоа а догӀаш а делхаш хилча, вӀаший хьекхалуш уж хуле, лотадала а тарлу уж», - йоах хоамо.
Цу тайпара болх дӀахьош хилча, гучадоал бӀоагӀаш ийтта хилара, телха хилара бахьанаш, тӀаккха шоай ханнахьа уж тоаде а таро хул. Из бахьан долаш, лампаш дӀаяйна е еха моттиг нийслургьяц Ӏан замалахьа», - аьлар электросетей болхлоша.
