«Шахьара доазон тӀа хьалъяьча МКД пхезза вӀаштӀара яь, коммерчески кхозза вӀаштӀара яь гӀишлош законах доагӀаш дола каьхаташ, проекта каьхаташ, цхьаккха тайпара бокъонаш йоацаш хьалъяьй, шоаш хьалаьцача доазон тӀа», - йоах хоамо.

Цул совгӀа, ши моттиг я вӀаштӀара даьча шин цӀагӀа каьхаташ тӀа оттабаьча боарамал совбаьнна, гӀишлош каьхаташ тӀа хила езача тайпара хьалъеш яц. Белгалду, цу тайпара кхоачамбоацараш юкъе хилча, цар доал деча даькъ тӀарча гӀишлошта зе ду, наха а уж кхераме я, хӀана аьлча хила беза тӀахьожам боацаш уж хьалъеш хиларах.

Шахьара прокуратуро арзаш дӀаяхьийтай ГӀалгӀай Республикан Магасерча кхален суде, хьалъяь гӀишлош пайдана цахиларах, хьалъяьрий чотах уж а иштта бокъонах йоацаш МКД хьалъеш латта гӀишло а дӀаяха езарах. ГӀишлош хьалъерашта духьала гӀулакх хьадийллад административни бокъонаш телхаеш хиларах, уж дӀадохьийтаргда ГӀалгӀай Республике гӀолла йолча Паччахьалкхен тӀахьожам лоаттабеча моттигашка.