Футбольни доазон тӏа экстремизма духьале е вӏашагӏкхийтар къонабараш
Магасерча Пхьарчанаькъан М. цӏерах йолча стадионе, экстремизм яхача зулама духьалара футболах йола яхь дӏайихьар къонабараша. Кагирхой гӏулакхех йолча Комитета, экстремизма духьале лоаттаеча оагӏоно цхьана дӏахьош болх бар из.
«Яхье дакъа лоацараш 20 саг вар. Биъ оагӏонца дӏахьош яр цу кхетачен программа. Хьалхарча оагӏонгара шоллагӏча даькъ тӏа дӏатӏавала йиш яцар декхараш лертӏа кхоачашдарга хьежжа мара. Къонабараш малагӏча боараме кийчо яь ба хьагойташ, гӏулакх хилар цох. Котало Йовлой Ӏалиханага коачаш дӏадийрзар из гӏулакх. Кагирхой гӏулакхех йолча Комитетагара сертификат, иштта ахчан совгӏат денна белгалвир из», - дийцар «Сердалога» цу гӏулакха хьалхаэттараша.
Экстремизм яхача доккхача зуламах вай къона тӏехье лораяра тӏехьа дӏахьош, болх хилар цох. Иштта йолча кхетаченашка гӏолла, къонабараша дукха хӏама кхетаду. Нийсача, пайда беш долча гӏулакхашта юкъе хила беза кагирхой массахана, ший вахарера хӏама тоадаь вола саг зуламхошта атта ӏехалургвац.
