Республикан дефектологий яхьашка котбаьннараш белгалбир Магасе
02.07.2025 12:31
ДӀабахача бетта Магасерча № 4 йолча «Маьлха шахьар» яхача берий беша дӀайихьар ерригача Россе моттигера « Хьехархо - Россе дефектолог-2025» яха яхьаш. Цу оагӀонцарча хьехархой говзал лакхъяра тӀехьа дӀахьош яр уж яхьаш. Из хоам «Сердалога» бир дешареи Ӏилмани гӀулакхех йолча министерствос.
Министерствонна кулгал деча Цхьорой Ахьмад-Башира грамоташи совгӀаташи дӀаделар котбаьннарашта. Котало яьккхар дегӀа могашал эшаенна долча берий хьехархо-логопед йолча Цисканаькъан Миленас. Иштта министра баркал аьлар берий беша кулгалхошта, яхьаш боаггӀача боараме дӀаяхьара тӀехьа къахьегарах.
