Магасерча Барта Гӏала чу «Доккха этнографически диктант» яздеш хилар мехкахой
«Доккха этнографически диктант» яха Xӏ Халкъашта юкъера болам хьаллаца гулбелар, ерригача Магасага лакхера хьежаш йолча Барта Гӏала чу. Вай къаман къаьнарча ӏадаташца бувзам болча йоккхача зале дӏабихьар из болх. Мехкара юкъарча оагӏонцара доакъашхой бар дукха къамаш дахача Россе культурах, ӏадатех, исторех, гӏулакхех бола шоай кхетам малагӏча боараме латт хьожаш хиннараш.
«Сердалос» хьалхагӏа яздарах тарра, ерригача республике баьржа болам ба из. Дакъа лаца ловш барашта моттигаш кийчъяьяр Кагирхой кхетачен Цӏагӏа, Гӏалгӏай паччахьалкхен университете. Болам хьаллоацаш хиннараш тайп-тайпара ха яьнна нах бар: студенташ, хьинар дола къонабараш, иштта боккхагӏбараш.
45 минот ха яр болх кхоачашбе луш яр, хӏаьта геттара дика баь болх 100 баллага кхоачаш хул. Цу гӏулакхе белгалбаьннарий цӏераш боккхача мехка йовзаргья лоархӏамеча дийнахьа – ӏан хьалхарча бетта 12-ча дийнахьа, РФ Конституце Ди дездеш.
Укх шера этнографически диктант лайчилла бетта 3-ча денгара 12-ча денга кхаччалца дӏахьоргда. Россе къамий цхьоагӏон Шера хетабаь ба из болх. Боккхача мехка истори, культура, гӏулакхаш, ӏадаташ довзийтара тӏехьа вӏашагӏбелла боккха болх ба из.
