Магасе хьаелларгья Коталон парк а Даим йоагача цӀера моттиг а
ГӀалгӀайчен столице, маьтсела бетта 8-ча дийнахьа лаьрххӀа хьаелларгья Коталон парк а, Даим йоагача цӀера моттиг а, яхаш, дийцар «Сердало» газетага шахьара мэре.
Цун программанна чудоагӀаш хургда культурно-исторически дакъа, Сийлахь-боккхача Даьймехка тӀема шерашка вай къаман карагӀдаьнначоа хетадаь хургда из. Иштта хьабелларгба суртий гойтам, цига го йиш хургья тӀем тӀа дакъа лоацаш хинна бӀухой, ГӀалгӀайчен бахархой. Цо ший аргӀагӀа таро лургья котало йоаккхаш мехкаа бахархоша юкъедихьа дакъа мел доккха да ха.
«Кхетаче дӀайолалургья 12:00 даьлча. Оаха бех беррига хьаьший, бахархой цу лоархӀамеча кхетачене дакъа лаца», - дийцар доал деча даькъ тӀа.
Цига гуллуча наьха таро хургья ширача автомобилашка хьажа, иштта цига хургья кхай тӀара кухни оалаш йола, тӀом болаш салташа лелаяь кхачан оагӀув.
Цу кхетачен лоархӀамегӀдар да, Даим йоагаш йола цӀи хьалсагар, из хьаяхьаргья Москверча Александровски сомий бешара..
