Магасерча «Ишкол 21» дӏаболабир 2026 шерара тӏеххьара дикагӏбараш хоржа болх
Магасе дӏаболабир карарча шера «Ишкол 21» дикагӏа бола дешархой харжара болх. Шин кӏира доакъашхоша лаьрххӏа дола тоабанцара декхараш кхоачашдергда, уж хьожаргба шоашта фу хов проекта балхах, дӏахо таьрахьий профессеш дӏаяхьара де дезар Ӏомадергда.
«Ишкол 21» - дешара проект я, цига мах боацаш Ӏомае таро я таханарча замо дӏаехаш йола таьрахьий кердадараш довзара оагӏув. Программировани яра балха говзал хилар эшаш дац. Цига дакъа лаца йиш йолаш ва моллагӏа 18 шерал дукхагӏа ха яьннар. Из болх вӏашагӏбеллараша белгалду, цига боагӏарашта ховш хила деза Ӏомабала, тоабашца цхьана болх бе.
Дешара программанна чудоагӏаш да программан Ӏалашо тахка хар, хоамаш довзар, менеджмент, биоинформатика, бизнес-аналитика. Цул совгӏа, студенташта могаду кхаь бетта ИТ-компане ӏомалуш ха яккха.
Проект дӏахьош я мецената Гуцаранаькъан Микаила хьаллоацаш, таьрахьашца дегӏаахара Академе балха «САФМАР» тоаба чуйоагӏаш. Цун маӏан- Гӏалгӏайчен даькъ тӏа ИТ дегӏайоалаяр.
Хьахаржара балха чаккхе йовзаш хургья, 14 ди даьлча. Цох чакхбаьннараш «Ишкол 21» лайчилла бетта дешар дӏахо дӏадахьа йиш йолаш ба. Аргӏанара харжара болх дӏахьоргба 2027 шера.
