ТIема cийлен гIала йолча МагIалбика хетабаь гойтам хьабийллаб Магасе
08.11.2023 12:09
Чербажанаькъан Б. А. цIи лелаеча МагIалбикерча тIема, къахьегама музея экспонаташ хьокха оттайир Магасерча культуран дегIаахара моттиге. 1942-ча шера МагIалбикера фашист вохавеш лаьттача бIухоех дувц гойтаме.
«Гойтамга хьажа баьхкарий аьттув хургба «МагIалбик» яхача тIемах дисараш лехаш болх дIакхухьача тоабан хьалхалаттача Дзейтанаькъан Бесланаца къамаьл де, цар къахьегамах дараш довза.
Вай къаман тIема, къахьегама турпалхой цIераш йовзаргья гойтаме, цар хьабенача наькъах дувцаргда гулбеннарашта», - дийцар «Сердало» газетага культуран гIулакхах йолча министерстве.
