Магасе «Ишкол 21» наӏараш йийлла ди хургда
Ардара бетта 1-ча дийнахьа наӏараш йийлла ди хургда таьрахьашца дувзаденнарий оагӏонца, начӏал дола говзанчаш арахецача «Ишкол 21». Цига хьабаьхка, хьехархой, лекцеш йоацаш, таханарча кампуса дешара болх мишта оттабаь ба хьажа, иштта тоабашца дӏахьоча ловзарашка дакъа лаца йиш я мехкахой.
«Ишкол 21» деша отташ вола саг программированеца дувзаденнараш довзаш хила везац. Дешар мах бала безаш дац, 12 оагӏонцара шийна дикагӏа хетар хьахаржа йиш я. Цу юкъе да киберкхерамзленца, интерфейсий дизайнаца, хьакхеллача хьаькъалца, иштта кхыдарашца дувзаденнараш. 18 шерал дукхагӏа даьннараш юхьанцара хоржама болх чакхбаьлча, шоай каьхаташ дӏачудала, хьалхарча хоржама ловзара юкъе дакъа лаца йиш йолаш хургба», - из хоам «Сердалога» бир мехкарча Паччахьалкхено.
Хӏаьта 18 шерга кхачанзабараш из деррига гӏулакх довзаш, дӏахойодача хана ИТ - оагӏонца шоаш малагӏа никъ хержача дикагӏа хургда къоастадеш хургба. Цул совгӏа, цу гӏулакха хьалхаэттараша Ишколагара совгӏаташ кийчдаьд – кхетаче эггара кадайгӏа хиннарашта, хьалхарча хоржама ловзара юкъе белгалбаьннарашта кхоачаргда уж.
