ГӀалгӀай къаман
юкъара газет

Кердадараш

Магасе кхетаче хилар «АвтоВАЗа» президентаца

ГӀалгӀай Республикан Кулгалхочун Келаматанаькъан Махьмуд-Ӏаьлий кхетаче хилар, «АвтоВАЗ» яхача акционерни цхьанкхетара президентаца Соколов Максимаца. Россе эггара йоккхагӀа йолча, легковой автомобилаш арахецача предприяте кулгалхо венавар, Россе машенаш хьаяра Союза кулгалхочо, «Ростеха» кулгалхочо Чемезов Сергейс аларах. Белгалдоаккх, карарча хана Тольятерча машенаш хьаеча заводе цхьа ткъаьх саг ГӀалгӀайчера кагирхой ба болх беш, республикан колледжаш яьхачул тӀехьагӀа цу балха дӀахьожабаьб уж. Вайцига кхы а 125 болхло кийчвеш ва, «АвтоВАЗе» болх бе вахийта.

«Вайцигара кагирхой шоай гаргара нах санна тӀаийцаб шоаш, аьлар «АвтоВАЗа» кулгалхочо, тайп-тайпарча доакъош тӀа дӀахьожабаьб, дикагӀа бола хьехамчаш а беннаб царна. Из боккъонца гӀадвугаш а да. ДӀахойодача хана а «АвтоВАЗа» кулгалхой лаьрхӀа ба ГӀалгӀайчен колледжашца дувца, Ӏомалуш йола программаш царна яла, къаьстта автомобилаш еча даькъ тӀа уж болх бе Ӏомалургболаш, иштта лаьрххӀача балха уж оттаргболаш. Вайна эшаш бола говзанчаш моттигерча колледжаша, вузаша Ӏомабе беза, уж балха даькъ тӀа тоъаш бац»,- аьлар Келаматанаькъан Махьмуд-Ӏаьлас, цу кхетаченах дувцаш. Кхетаче дӀахьош, кхыдола дешаш а дийцар шоайла дӀа-юха бувзам лелабара хьакъехьа. Россе автопрома кулгалхоша теркам тӀабахийтар РИАК, РИАЛ яхача гӀалгӀай предприятешта, светодиодни завода, когагӀирс, тӀабувхабу гӀирс тегача фабриканна, иштта моттигерча юртбоахама кхачанна. Шоайла дӀа-юха лелабергболча балхах тӀехьа тӀайоагӀача хана хургйолча кхетачене дувцаргда.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде