Мехкадас моттигерча Росимуществон кулгалхочунца кхетаче дӀайихьар
10.11.2023 01:13
Магасе кхетаче хилар, ГӀалгӀайче болх беш йолча Росимуществон урхаллен кулгалхочунца. Къамаьл деш белгалдир, карарча шера 13 гектар доазув къоастадаь, даьсса уллаш хилар. Укх шера дӀаяхача хана, боахама доалахьа дӀаделар 19 лаьттан дакъа, из 90% дукхагӀа да соахка хинначул, хьалха хинначул диазза дукхагӀа бола хьокхам ба из, цо хьагойт цу лостамагӀа толам лакха хилар, аьлар боахама кулгалхочо Гаьгенаькъан Мусас.
Иштта белгалдир, федеральни доалахьа а долаш, ГӀалгӀайчен боахаме леладе йиш йола лаьтташ 82% кхоачаш хилар. Из Россе дикагӀа бола хьокхам ба.
ГӀалгӀай Республике Росимуществон урхаллено паччахьалкхенна дӀачуденнад 10,3 млн сом. Даькъ тӀарча Росимуществон кулгалхочо белгалдир, укх шера федеральни доалахьа дар нийса леладой хьожаш 118 моттиге тӀахьожама болх дӀабихьаб.
«ХӀара лаьттан чӀегилг мах болаш я ГӀалгӀайче, цун бахьан - из тоъаш цахилар. Цудухьа лоархӀаме да из дикка дӀалархӀар, цун доазонаш къоастадар. Из болх цкъарчоа нийсса дӀабихьача, лаьттанца дувзаденна моллагӀа дола хаттараш кхоачашде аттагӀа хул. Болх дика баьб, дӀахо из иштта дӀабахьара аз тӀахьех шо»,- аьлар Келаматанаькъан Махьмуд-Ӏаьлас.
Кхетаче йистейоалаш, Гаьгенаькъан Мусас, паччахьалкхен доалахьа дар леладара йолча урхаллен Федеральни агентствон кулгалхой цӀерагӀа, «Россе паччахьалкхен доалахьа дар леладара урхаллен 185 шу» дизара хетаяь майдилг елар Келаматанаькъан Мухьмуд-Ӏаьланна, цо ше мехка кулгалхо хиларах тарра, цу гӀулакха доккха дакъа юкъедихьа хиларах.
