Магасе дӏайихьар Россе кхалнаьха Цхьанкхетара аргӏанара кхетаче
Гӏалгӏай мехкара Россе кхалнаьха Союз лаьрххӏа йола кхетаче дӏахьош яр, советски кхалнаьха Антифашистки комитет хьакхелла 85 шу дизара хетаяь яр из. Россе кхалнаьха Союз цунна чуйоагӏаш я. Цу кхетачене дакъа лоацаш яр Магӏалбик шахьара кулгалхочун гӏонча Садакъанаькъан М.
Цига гулбелар Ӏаьдала гӏулакхаш тIара викалаш, юкъарлон моттигий, республикан кхалнаьха болама доакъашхой, хьинар дараш. Цар дийцар юкъарлон болх дегӏабоалабарах, вахаре лоархӏаме гӏулакхаш кхоачашдарах, бокъоний оагӏонаш лелаярах, иштта Гӏалгӏайче социально-экономически дегӏайоалаеча кхалнаха дакъа лацарах.
Кхетаченна чуйоагӏаш совгӏаташ луш йола оагӏув а хилар. Шоашкара юкъарлон болх, иштта республика дегӏайоалаяра лоархӏаме дакъа лаьцараш белгалбир.
Магӏалбика тӏема сийлен шахьара совгӏат делар, Магӏалбика кхален керттерча № 1 йолча дарбанчен лора - инфекциониста Батажанаькъан Хадчата. Из я лаьрххӏача тӏема операце доакъашхочун Гӏоандалой Бахьаудина фусам-нана. Россе президента Путина совгӏат цунна делар, цо «цӏеча даькъ тӏа» дукхача деношка болх барах, C0VID-19 долча хана наха новкъостал дарах, профессе говзал лакха йолаш, къахетаме йолаш из къахьегаш хиларах.
