Магасе тохкаш да йоал йоаккхачун кхаъ баларах дола уголовни гӀулакх
19.11.2025 15:20
Магасе тохкаш да 49 шу даьннача лоалахарча республикан яхархочунна духьалара уголовни гӀулакх. Из бехке ю, ГӏалгӀайчен йоал яккхара гӏулакха тӏарча болхлочунна шозза кхаъ баларах, яхаш, дийцар «Сердало» газетага тохкама комитете.
«Тохкамхочо яхачох, 2023, 2024 шера саькура бетта цо шозза хьадайтад банка чота тӀа 160 эзар сом, УФНС гӀулакхе волча сага. Из кхаъ луш бар, бизнес лелаярах цунгара йоал йоаккхаргйоацаш, тӀахьожама болх дӏахьоргбоацаш», - аьлар хоамо.
Тешал гулдаьд, гӀулакх дӀадахьийтад суде. Кхааш ийдаьча йоал яхара гӏулакха тӏарча болхлочунна духьала уголовни гӀулакх хьалхагӏа хьадийлладар.
Гӏулакх дӀадоладаьд материалах УЭБиПК, ГӏалгӀай Республике гӀолла йолча Россе МВД.
