Паччахьалкхен совгIаташца, Магасе, белгалбир вай бахархой
Церемония вручения государственных наград Республики Ингушетия и Российской Федерации состоялась накануне в Магасе. На ней заслуженными наградами отметили за ответственный и самоотверженный труд представителей различных профессий: врачей, работников культуры и искусств, спортсменов и тренеров, общественных деятелей, юристов, сотрудников ведомств и учреждений, информировали газету «Сердало» в пресс-службе руководителя региона.
«Тахан, республика 30-шу дузача деношка теркалбе лов цун наькъашка дог лазаш, къахьегаш хьабоагIараш. Уж ба шоай хьинарца вай мехка хьал тоадераш!», — аьлар Келматанаькъан Махьмуд-Iаьлас. Дог лазаш къахьегарца белгалъяьннача тоабан елар грамоташ, орденаш. СовгIаташ деннарашта юкъе бар «Птицекомплекс-Южный» яхача кхуврча генеральни кулгалхо вола Къоастой Адам, актриса, иллиалархо йолаш къахьега Янданаькъан Тамара. Белгалбаьхар иштта, дзюдохи, боксахи йолча спортивни школа тренераш ГетагIазанаькъан Ахьмади Боканаькъан Фатимаи. Цар кхебаьб лакха говзал йола спортсменаш.
«Родительская слава» яха орден кхаьчар Дидиганаькъан Исламаи Райсханаи. «Материнская слава» яха майдилг елар дукха дезал ураоттабеш йоаллача Тоачанаькъан Асмайна. Беррига а цу кхетаче белгалбаьхараш 93 саг вар. Кхетаче йисте йолаш Мехкдас хьоахадир, уж беррига нах белгалбе боагIаши, лакха лерхIам барехи ба аьнна. Ше хержача наькъа тIехьа лакха говзал йолаш къахьегаш вола саг, массе хана, лакхагIа долча лагIа тIа латтаргва, аьлар Республика кулгалхочо.
«Вай республика экономически хьал тоадалар, дуккхача даькъе, тахан, иштта дог лазарца къахьегаш долча шуга кхоачаш да! Аз дег чура даькъала дувц шо, бехктокхаме къахьегарца белгалдовларах! Ираз, аьттув болаш, могаш долаш дахалда шо, дуккхача шерашка!», — аьлар Мехкдас.
