Эскаре кагирхой накъабоахаш, кхетаче дӀайихьар Магасе
23.06.2025 09:47
Эскаре амал де болхаш бола вай кагирхой накъабоахаш, кхетаче хилар Магасе. Из хоам «Сердалога» бир шахьара администраце.
«Тахан шух хӀаране вахаре лоархӀаме ди да. Эскаре амал дар - из духхьал декхар кхоачашдар хинна Ӏац, вахара йоккха ишкол я из моттиг.
Вай къаман сийдола Ӏадаташ лорадеш, шоаш мичахьара хьадаьннад ховш; яхь, сий, эздел лорадеш; чакхдовла деза шо, къаман юхь хозача оагӀорахьа дӀагойташ», - аьлар эскаре болхарашка шахьара да волча Тиймарзанаькъан Мусас.
БоккхагӀчар хоза хьехам баь кагирхой дог ураэтта бар, боаггӀача боараме шоай ха такха кийча болаш. Ерригача шахьара лоархӀаме кхетаче яр, Даьхенна гӀулакх де болха кагирхой накъабахар.
