Цунна керттера дагалаьттарех дар, «Даьй даар» яха цIи йола ший проект хьаллацар, из иштта хьал а лаьцар кагийбарий гIулакхах йолча, Федеральни агентства эксперташа.

Мухаммада проект тIаерзаяь я, йиц луш латта гIалгIай Iадатех йола даара кулинарни оагIув меттаоттаяра, из дикагIа а, хозагIа а, дегIайоалаяра. Цо яхачох, уж хоза гIалгIай Iадатий оагIонаш дIайовш латт тахан.

Проекта доакъашхой лаьрхIа ба, хьалхара даар мишта кийчдеш хиннад а тохкаш, дагадоагIарашка из керда а доаккхийташ, ма хулла, из таханарча гIалгIай даара юкъе даккха. Цу гIулакха лаьрхIа уж гIоргба, гаьнарча лоамарча юрташка, цар тохкамаш дергда цу наькъа тIа. Лоаман гаьнарча юрташка дукха я, тахан, хьалхарча ханара даараш кийчде а, цун чам бе а, ховш йола моттигаш. Цудухьа цар лерхI, шоаш дIакхаьчача моттиге, уж рецепташ дIаязъяь а ца Iеш, уж даараш циггача хьакийчдеш йола моттиг Iалашъе.

Керттера лерхIаш дар да, кулинарни мини-книжка арахецар, цу тIа хургья лакхехьа ювцаш йола видео-роликаш.

Юххера а дIахьоргья вай республике, «Кухня предков» яха, гастрономически фестиваль.