НурадиловгIар Ханпаша цIерагIа бола урам тоабеш латт МагIалбике
15.11.2023 19:13
Советски Союза турпалхо хиннача НурадиловгIар Ханпаша цIи лелаеш бола урам тоабеш латт МагIалбике. Эггара дукхагIа нах лелаш, керттера лоархIаш бола урам тоабе безача хьале кхаьча дикка ха яр.
300 метрага кхоачаш йола хин турбаш хийцай цига, гIаш леларашта никъ биллаб. Керда лампаш егIа, ца эша гаьнаш дIатедаш, боахк болхлой. Осканаькъан Суламбика цIерах болча урамгара Iоболабенна Херсонски оалача урама IотIаотталца, керда асфальт буллаш латт. ДIабахача бетта дIаболабир из боккха болх. Эшаш мел бола кхоачам хьатIаэза, хаоттам дика латтача ханах пайда эцаш, къахьегаш боахк болхлой.
