Магӏалбике тоадергда, дарбанчен гонахьара доазув
Магӏалбике тоаде доладир, Центральни дарбанчен гонахьара доазув. Карарча хана говзанчаш никъ шаьрбеш ба Партизански яхача урамгара Назрановски яхача урамга кхаччалца, из бӏаьха ба 400 м. Укхаза асфальт ӏобулларгба, иштта булларгба гӏашлой никъ, дарбанчен гонахьарча картаца гӏолла. Цул совгӏа, цу доазон тӏа машинаш ӏооттае моттиг а ергья, бийсан сердал хургья.
«Шахьар тоаяр - из дика хьалаш хьакхоллар да, из дегӏаахара цхьа дакъа да. Оаха де йиш яр ду Магӏалбик таханарча дено дӏадеххача тайпара хилийтара, хоза а кхерам боацаш а. Цо таро лургья кхыдола наькъаш, машинаш кӏезигьеш, мукъадаха, вӏаший дувзаш Гоголя, Физически культуран урамаш Бериславске урамга гӏолла», - аьлар «Сердало» газетага шахьара администраце кулгалхочо Галай Мусас.
Магӏалбике лаьрхӏад кхыдола урамаш тоаде, уж а да дукха хӏама хувца дезаш. Дукхагӏча даькъе из да Гарданаькъан, Партизански яха урамаш. Цигара балхаш дергда шахьара ахчах.
