«Цига гӀишлон балхаш деш йоаллар я «Кит-Строй» яха фирма, ГӀалгӀайчен гӀишлошъяра министерствон лоӀамах хьалъеш я из. Контрактах из хьалъяра оттабаь мах ба 167 млн сом. Из мотиг лаьрхӀа я 50 сага. Цунна хьакъоастадаьд кхо гектар лаьтта, хӀаьта гӀишло я 1600 квадратни метр. ХӀанз укх сахьате, лаьттанцара балхаш йистедаьннад укхаза, аьшка-бетона плиташ Ӏояьхкай. Говзанчаш а болхлой а къахьегаш ба лифташ оттадеш, юкъера юкъ а чура лагӀаш а деш», - аьлар мехка гӀишлошъяра министерстве. Говзанчаша яхачох, гӀишло 40% хьалъяь яьннай. Из хьатӀадоагӀача шера йистеяьнна хургья.