МагӀалбикерча сийленгий куц эргадоаккхаш ба
23.04.2025 10:08
Котало яьккха 80 шу дизар хьатӀадоагӀаш, МагӀалбикерча сийленгий куц эргадаккха арабаьннаб болхлой. МоастагӀа вохавеш лийгача бӀухошта оттадаь сийленг, Мордвинов Володя кхелхача моттиге оттадаь чурт тоадеш боахк тахан. Из хоам «Сердалога» бир шахьара мэре.
Уж моттигаш меттайоалаеш, болх чакхбаккхарах дийцадар ер бутт болалуча хана дӀайихьача кхетаче МВД кулгал деча Коробкин Михаила, ший гӀонча волча Мамаев Багометаца, шахьара даьца Галай Мусайца.
«337-ча иччархой дивизена оттадаь сийленг меттадоаладеча гӀо де эттар «Ингушнефть», - йоах хоамо. Коталон ди гаргадоаладе гӀерташ лаьттараш бицбе бокъо яц вай! ТӀехьено тӀехьенга телаш дахаргда цар истори.
