Коталон 80 шу дузаш, керттера чурт тоадир МагӀалбике
06.05.2025 14:58
Шахьаре дӀачуоттача латта чурт меттадоаладеш болх дӀабихьар МагӀалбике. Тахан хьадаьннача кердача хӀамашца тоадеш дале а, тӀема ханашкара куц лорадеш дӀабихьар из болх. Из хоам «Сердалога» бир шахьара администраце.
Талха ца талхаш, дикка ха йоаккхаргйола кхера техар цига. Ара боад эттача чурт сийрда, гуш хургдолаш къахьийгар болхлоша. Гонахьара доазув меттадоаладеш, къахьегаргда цига.
Вай даьша боккхача тӀема юкъе, фашист вохавеш, гойтача майрала, денала сийленг да из. Котало мел халача наькъаца кхаьчай дицде йиш яц вай, тӀехьено тӀехьенга телаш, лораде деза вай тӀема истори!
