МагӀалбике хьайийллар «МагӀалбика доазув» яха Дагалоаттама вахта
Тӏема сийлен шахьаре МагӀалбике лаьрххӀа хьайийллар «МагӀалбика доазув» яха Дагалоаттама Вахта. Цига дакъа лоацаш хилар шахьара мэри, тохкама цхьанкхетар, юкъарлонна, «Къонача эскара», «Хьалхарчар болама» викалаш.
«МагӀалбика доазув» яха проект дӀайолаяьяр «Патриот» яхача отрядо, из 2019-ча шера денз тохкама болх дӀахьош я ГӏалгӀайче. Шоаш болх беча ялх шера тохкамхоша 185 совгӀа салтечун тӀехкаш араяьхар лаьттан кӀалхара, уж бар Даьхе бахьан латаш шоай синош цига Ӏодаьхкараш. Цул совгӀа, «Патриот» яха отряд я мехкашта юкъера «Тирка дукъ» яха Дагалоаттама вахта вӀашагӀъеллар.
«МагӀалбик лораеш велар 120 эзар советски бӀухо. Цу дакъ тӀа тохкама балхаш дӀахьоча юкъа 7 эзар совгӀа бейна нах корабир. Цо тешал ду из болх иштта чӀоагӀа эшаш хилара», - аьлар ГӏалгӀайчен кулгалхочо Келаматанаькъан Махьмуд-Ӏаьлас.
