МагӀалбике Россе Президент харжа хьабоагӀача наьха, марха даста йиш хургья
МагӀалбик-Шахьара администраце дийцар, Россе президента хоржамаш дӀахьоча деношка, шахьаре белгалдаьча хоржамий даькъ тӀа кийчо мишта яьй. Даькъ тӀарча хоржамий комиссе кулгалхочо КӀориганаькъан Мухьмада аьлар, кхадж тассара эшаш болча гӀирсаца, даькъ тӀа Ӏалашо яь хиларах.
Цо белгалдир, дерригача хоржамий доакъош тӀа кийчо яьй хоржамаш дӀадахьара.
«Даькъ тӀарча хоржамий комиссе доакъашхой, кхадж тассара бокъонаш дика йовзаш ба. Тха декхар - шоашта бакъахьа хетачоа тӀехьа кхадж тасса наха бокъо, паргӀато ялар», - аьлар «Сердало» газетага КӀориганаькъан Мухьмада.
Цунца дувзаденна, тахан вай кхадж тоссаш дола денош Рамадан беттаца нийсденна хилар дӀа а лоархӀаш, шахьара администраце кулгалхочо Галай Мусас тӀадиллад хоржама даькъ тӀа массанахьа марха дастара Ӏалашо яр. Кхадж тасса хьабоагӀача наха, цох паргӀато хургья. Цо иштта теркам тӀабохийт кхадж тоссача деношка кхерамзлен Ӏалашо яь хилара, закон чӀоагӀа лорадара.
