МагӀалбикера урамаш кердача тайпара сийрдадоахаш латт
МагӀалбике дӀахьош ба урамашка керда сердал чуюллаш бола болх, из бахьан долаш кхы а массехк урам сийрдагӀа, хозагӀа ба, из деш да бахархой хьашта кхоачашдар духьа, яхаш, дийцар «Сердало» газетага шахьара администраце.
«Укх замах леладеш дола сердал тела гӀирсаш Алиев Гейдара цӀерах йолча аллее оттадаьд, иштта Осканаькъан Сулумбика, Физкультурни урамий дӀоахалла латт уж. Цул совгӀа, дика сердал луш дола гӀирсаш оттадаьд Осканаькъан Сулумбика урам тӏарча №6 йолча вӀаштӏара даьча цӀен даькъ тӀа, из бахьан долаш ков доккха, сийрда хет, кхерамзле йолаш а да.
Кӏезиг-кӀезига деш, хьадеш да бахархой вахара хьалаш тоаду вай мехкара хувцамаш. Хоза тоадаьд доазонаш, хьакхеллад салаӀара дола хьалаш», - аьлар тхоца къамаьл даьчо.
Шахьара администраце дӀахо а дӀадахьа лерхӀ лоархӀаме балхаш, кастлуш Магӏалбика кхыча даькъ тӀа сердалон лампилгаш лоталургья.
