МагӀалбикерча керттерчарех цхьан урама куц тоаде лерхӀ мехка
Нурадилов Х. цӀерах бола урам тоабеш болх дӀабахьа лерхӀ МагӀалбике. 2,4 км кхоачаш дола доазув да балхаш дӀадоладе дезар. Керда никъ буллаш, гӀашлой никъ тоабеш, лампаш йохкаш, хувцамаш дергда шахьаре.
«Цу моттигага хьажа ваха хилар шахьара да вола Галай Муса. Иштта цига тӀахьожаш бар цун гӀонча Мержой Б., архитектуран оагӀон кулгалду ГӀоандалой И., цу оагӀонцарча балхашта тӀахьожам беча хьалха латта Исмейланаькъан Д. Къаьстта йоккха терко тӀаяхийтар хьакимаша болх боаггӀача боараме, йиллача хана чакхбаккхара. Из деррига лертӀа дӀагӀоргдолаш, хӀаранена тӀехьа декхараш чӀоагӀдир шахьара дас», - дийцар «Сердалога» МагӀалбикерча администраце.
Цу урама моттигаш тоаяро дикка аттача доаккхаргда бахархой гӀулакх; дӀа-хьа ухарашта а паргӀатагӀа, боад эттача сийрдагӀа, маьршагӀа хургья.
