28 устагӏа лочкъабаьр гучавоаккхаш, къахьийгар Магӏалбикерча полице болхлоша
02.07.2026 09:10
Наьха жа лочкъадаь, вӏаьхий хила гӏийртар лохаш болх дӏабихьар «Магӏалбик» яхача Россе МВД оагӏон болхлоша. «Сердалога» из хоам бера МВД зарбан болх лелаберашкара.
Полице болхлой болча латкъа баьхка хилар жа дайнараш. Бажа дӏахийца цхьанне бархӏ, шоллагӏчун 20 устагӏа, баха моттиг йоацаш, байна дӏабаьннаб. Цу миноте деррига тохкаш болх дӏабахьа эттача ӏаьдала болхлоша къоал даь зуламхо хьалехар.
Ше гучавоаккхаш мел дола хӏама ӏаьдала болхлоша шийна духьалдихьача, дари даьд цо. РФ УК 3-ча даькъа 158 ст. гӏулакх хьадийллар цунна духьала (дукха мах бола хӏама лочкъаяр). Цул совгӏа, полице болхлочунна духьалваларах РФ КоАП 1-ча даькъа 19.3 ст. бехктокхаме озаш ва из. Карарча хана ӏаьдала кара ва зуламхо.
