Магӏалбикера Братски оала урам тоабе болабаьб
15.07.2026 16:05
Магӏалбик-Шахьаре Братски урамах болх болабаьб - моттиг тоаеш я, «Вахара хьалаш» яхача къаман проекта чуйоагӏаш. Къаьстта из моттиг тоаяр дезаш, дика кхадж тессар дӏадахача шера моттигерча бахархоша. Хӏанз царна ловр кхоачашдеш да.
«Карарча хана болхлой никъ нийсбеш ба - из лоархӏаме да керда асфальт ӏобиллара кийчо еш. Братски урам бӏаьха ба 1,4 километр. Къаман проекта чудоагӏаш, 950 метр йола наькъаш кердадоахаргда хьа тӏадоагӏача шера, моттигерча бюджета чотах. Балхаш чакхдаьлча, Братски урам кхерамзле дикагӏа йолаш хургба», - аьлар «Сердало» газетага Магӏалбика шахьара администраце.
Шахьара дика хьалаш хӏара сага кхерамзленна лаьрхӏа да. Магӏалбика юкъарлон моттигаш тоаеш я, наьха вахара хьалаш дика хургдолаш.
