Наха низаш дара духьала къовсам лоаттабеча комиссе кхетаче хилар МагӀалбике
17.02.2025 11:00
МагӀалбикерча администраце дӀайихьар терроризма духьала къовсам лоаттабеча комиссе кхетаче. Цига дакъа лоацаш бар Ӏаьдала болхлой, бизнесменаш, хьоалчагӀаш деча цӀеношта доал дераш. ВӀашагӀкхетаре дийцар терроризм яхача доккхача зулама духьала дӀакхахьа безача балхах, нах вӀашагӀбетталуча моттигашкара кхерамзлен хьал боаггӀача боараме хилийтарах. «Сердалога» из хоам бир цу моттигера.
Къам мехкахдаьккхача денна, Даьхен лорбой денна хетаяь кхетаченаш дӀахьоча эггара чӀоагӀагӀа лораде дезараш белгалдир кхетаче. Ӏаьдала болхлошта, иштта кхыбарашта тӀадехкар цу оагӀонца дувзаденна декхараш. Кхетаче теркалдир, хӀара оагӀон болхлоша шоай гӀулакх лакхача боараме, фийла болаш чакхдаккха дезилга.
