МагӀалбике дӀадихьар наха низ бара духьаларча балхаца дувзаденна хьехамаш
04.03.2025 12:08
ЧӀоагӀъяьча графикага хьежжа, ер шу дӀадоладелча денз, МагӀалбика шахьара кулгалхочун гӀончас Дзейтанаькъан А. цхьа ткъаьх гаргга нах бахача моттиге хьехама, хоамий къамаьл дир, яхаш, дийцар «Сердало» газетага шахьара администраце.
«Кхетаче дӀахьош хилара бахьан дар террористий наькъ тӀа нийсденна зулам бахьан долаш лаьца баьхкача нахаца, иштта Сире бахарий, мичаб ца ховш, шоаш бахача моттигера дӀабаха лелача наьха гаргарча нахаца къамаьл дар», - аьлар хоамо.
Цу кхетачений толамашка хьежжа оттайир цӀеннах лаьрхӀа йола балха листаш, цо хьагойтар терроризм, цунах доала зулам юхатохара болх мехка дӀахо дӀахьош хилар.
